➕Qashqadaryo viloyat Ftiziatriya va Pulmonologiya markazi jarrohligi bo‘limi mutaxassislari tomonidan, travmatologiya va anesteziologiya yo‘nalishidagi tajribali shifokorlar hamkorligida murakkab ortopedik jarrohlik amaliyoti muvaffaqiyatli amalga oshirildi.

🩻Bemorning chuqur klinik ko‘rigida tuberkulyozli artritning faol bosqichi, tuberkulyoz sinoviti, ikkala chanoq–son bo‘g‘imi boshchasining aseptik nekrozi, shuningdek koksartrozning II–III darajasi aniqlangan. Ushbu holatlar bemorda og‘riq sindromini kuchaytirib, harakat faoliyatining keskin cheklanishiga sabab bo‘lgan.

➕Shu bois bemorga o‘ng chanoq–son bo‘g‘imi endoprotezlash amaliyoti o‘tkazildi. Operatsiya bo‘g‘im funksiyasini tiklash, og‘riqli sindromni kamaytirish hamda bemorning harakat imkoniyatlarini yaxshilashga qaratilgan bo‘lib, jarayon zamonaviy tibbiyot texnologiyalari asosida olib borildi.

🩺Amaliyot travmatolog Sa’dullaev G‘ulom ,Elliyev Javohir va suyak boʻgʻim jarrohlik boʻlimi boshligʻi ftizio-xirurg Toshev Bahriddin, anesteziolog Xakimov Elyor boshchiligidagi malakali jamoa tomonidan yuqori professionallik bilan bajarildi. Jarayonning barcha bosqichlarida xavfsizlik, infeksion nazorat, jarrohlik standartlariga qat’iy amal qilish va zamonaviy uskunalardan foydalanish asosiy tamoyil bo‘ldi.

✅Muvaffaqiyatli yakunlangan operatsiyadan so‘ng bemorning umumiy ahvoli barqarorlashgan bo‘lib, u hozirda shifokorlar nazorati ostida tiklanish bosqichida.

🔹Mazkur jarrohlik amaliyoti markazimizda ortopedik va ftiziatrik yo‘nalishdagi yuqori texnologik operatsiyalarni izchil joriy etilayotganini, shifokorlarimiz malakasining yuksakligini yana bir bor tasdiqlaydi.

🔹Markaz jamoasi bemorlar salomatligi, hayot sifatini yaxshilash va sifatli tibbiy xizmat ko‘rsatishni eng ustuvor vazifa sifatida belgilagan.